Yadda Za Ka Yi Amfani da GitHub A Wayarka Don Ajiye Codes

GitHub wata mahada ce ta musamman da ke taimakawa masu programming wajen ajiye, raba, da kula da codes. Ko da baka da kwamfuta, zaka iya amfani da wayarka ta Android don yin abubuwa da dama a GitHub. Wannan labarin zai nuna maka cikakken bayani kan yadda zaka iya amfani da GitHub a waya cikin sauƙi.

Da farko, yana da kyau ka fahimci cewa GitHub yana da muhimmanci ga duk wani mai koyo ko gogaggen mai shirye-shiryen kwamfuta. Yana taimakawa wajen adana aikin ka a girgije (cloud) domin ka iya shiga daga kowace na’ura, kuma yana bada damar yin haɗin gwiwa da wasu masu coder.

Menene GitHub?

GitHub wata manhaja ce wacce ke amfani da tsarin Git, wanda Linus Torvalds (wanda ya ƙirƙiri Linux) ya fara.
Git yana taimakawa wajen kula da canje-canje da tarihi na kowane code. Wannan yana nufin zaka iya komawa baya idan wani abu ya lalace a cikin code ɗinka.
A GitHub, zaka iya ƙirƙirar asusunka kyauta domin ajiye repositories – waɗannan sune wuraren da codes suke.

Yadda Za Ka Fara Amfani da GitHub a Waya

1. Sauke App ɗin GitHub daga Google Play Store.

2. Bayan ka gama saukewa, buɗe shi sannan ka yi sign up idan baka da account.

3. Bayan ka kammala rajista, ka shiga cikin dashboard.

4. Zaka iya danna “+” alama don ƙirƙirar repository – wato sabuwar lamba ko project ɗin da zaka ajiye.

5. Zaka iya saka sunan project ɗinka, bayanin sa, da kuma zaɓin ko kana son a bayyana shi ga jama’a (public) ko kuma a ɓoye (private).

Amfani da GitHub Ta Browser

Idan baka son amfani da app ɗin, zaka iya shiga ta hanyar browser kamar Chrome ko Firefox.
Ka rubuta github.com, sannan ka shiga account ɗinka.
Hakanan zaka iya danna “Add file” don ƙara sabbin codes ko kuma ɗaga (upload) files daga cikin wayarka.

Yadda Za Ka Yi Edit Na Code a Waya

GitHub yana baka damar gyara code kai tsaye ta browser ko app.
Idan ka buɗe wani file, zaka ga alamar edit (fensir) – danna nan domin yin gyara.
Bayan ka gama, ka danna commit changes don adana sabbin canje-canjeka.

Yadda Za Ka Yi Clone Project a Waya

Idan kana so ka kwafi project daga GitHub zuwa wayarka, zaka iya amfani da app kamar Termux ko Acode.
Ka bude app ɗin sannan ka rubuta:
git clone https://github.com/username/projectname.git
Zai sauke duk codes ɗin cikin wayarka domin ka iya yin aiki da su.

Amfani da GitHub Don Tsaro da Backup

GitHub yana da matuƙar amfani wajen ajiye code a matsayin backup. Idan ka rasa wayarka ko ta lalace, zaka iya dawo da duk codes ɗinka daga GitHub.
Hakanan zaka iya amfani da branches domin rarraba gyare-gyare daban-daban kafin ka haɗa su gaba ɗaya.

Kammalawa

GitHub kayan aiki ne mai matuƙar amfani ga masu programming, musamman idan kana son yin aiki da waya.
Da zarar ka koyi yadda zaka yi amfani da shi wajen ajiye, gyarawa, da raba codes, zaka ga yadda zai sauƙaƙa maka aiki da kuma kare aikin ka daga ɓacewa.
Idan baka da kwamfuta, wayarka ta isa — GitHub zai baka damar zama coder cikakke kai tsaye daga hannunka.